Volledige Reisplan

Question

Volledige Reisplan

Accepted Answer

Hoogtepunte (Bo en behalwe die normale Israeltoer besoekplekke)

'River Rafting' op die Jordaanrivier
Staptog deur die Woud van Banias
Golan Hooglande uitkykpunt en IDF bunkers verken
Kabelkarretjie na die Berg van Versoeking
Stad van Dawid ondergrondse tonnels insluitend Hiskia se tonnel
Vroegoggend staptog op na Massada (Opsioneel. Daar is ook 'n kabelkarretjie opsie)
Snorkel in die Rooi See by Eilat
Oornag in Bedouin kamp en leer van hierdie tradisie
Kameelsafari deur die woestyn
Wadi Rum Woestyn Jeep Safari
Voldag in die Antieke stad Petra

Jeugtoer na Israel: 22 Junie - 3 Julie 2018


Dag	Reisplan
Vry 22-06	Groep wat uit Kaapstad vertrek ontmoet by Kaapstad Internasionaal om 11:00 en vlieg met Ethiopian Airlines vlug ET846U om 14:55. (Daar is ook ander vlugopsies beskikbaar). Aandete en oornag aanboord vlug.
Sa 23-06	CeasareaMaritima – Haifa – Berg Karmel – Armageddon Vallei – Galilea– Tiberias Ons arriveer by Ben Gurionlughawevroegoggend. Nadat ons deur doeane is ontmoet ons busbestuurder en gids ons. Ons eerste stop is by CeasareaMaritima aan die Mediterreense kus vir ‘n vroegoggend koffie.Hier het Herodus sy manjifieke hawe asook somerpaleis gebou waarin Paulus twee jaar lank gevange gehou is voor hy na Rome gestuur is. Ceasarea was ook Pontius Pilatus se hoofkwartiere en dit is ook hier waar Petrus die eerste Christene o.a. Cornelius gedoop het. Dan beweeg ons Noord na Haifa waar ons die bekende Baha'Ituinebesoekenmiddagete gaan eet. Ons vertrek verder na Galilea en stop by Berg Karmel (Muhraka) waar Elia die Baälprofete verslaan het. Van hier is ‘n manjifieke uitsig oor die Armageddon vallei. Aandete en oornag in Tiberias.
So 24-06	Ceasarea Philippi / Banyas – Hermon waterval en woud - Golan hooglande & Berg Bental – Jordaanrivier ‘rafting’ by Kfar Blum Pak vandag jou stapskoene en swemklere in want ‘n opwindende dag vol avontuur wag op jou! Na ontbyt vertrek ons Noordwaarts en begin ons dag by Sesarea Filippi (Mark 8) waar Jesus Sy aardse lering afgesluit het voordat hy na Jerusalem gegaan en gekruisig is. Ons gaan staan op die presiese plek waar Jesus vir Sy dissipels gevra het “Wie sê julle is ek” en Petrus antwoord: “U is die Christus, die seun van God” Dis ook hier wat Jesus vir Petrus gesê het: “Jy is die rots waarop my kerk gebou sal word”. Dan verken ons die woud van Pan. Die afgod Pan was in antieke tye die god van paniek en vrees. Daarom so simbolies dat Jesus hier vir Sy dissipels bevel gegee het om die verlossingsboodskap na alle volke te neem! Ons stap tot by die manjifieke Banyas waterval en stap ook verby die antieke pad na Damaskus waar Paulus sy ‘Damaskus ervaring’ gehad het (Hand 9:1-31). Ons volgende besoek is die Golan Hooglande en ons verken ‘n weermag uitkykpunt met versteekte ‘bunkers’ (nou nie meer in gebruik). Hier leer ons bietjie van moderne Israel en die fenomenale IDF (Israeli Defence Force). Hierna gaan ons middagete by Kfar Blum eet en dan die Jordaanrivier met rubberboodjies aandurf! Groot pret wag op jou! Aandete en oornag Tiberias.
Ma 25-06	Bootrit op die See van Galilea – Kana – Nasaret – Berg van Saligspreking – Tabgha – Kapernaum Vandag gaan ons letterlik in die voetspore van Jesus loop. Ons dag begin met ‘n bootvaart op die See van Galilea waarna ons die berg van die Saligspreking (Mat 5-7) en Tabgha (Mat 14 & Mark 6); volgens oorlewering die plek waar die wonderwerk van die vissies en brode vermeerdering plaasgevind het asook die plek waar Jesus na sy opstanding aan die dissipels verskyn en vir hul ‘n maaltyd voorberei het besoek. Dan verder na Kapernaum, waar Jesus die grootste deel van Sy lewe gewoon het. Na middagete in Nasaret by een van die talle straatkafeetjies, besoek ons die Nazareth Village om te sien en ervaar hoe die lewe in die tyd van Jesus was. Aandete en oornag Tiberias.
Di 26-06	Jericho: Mount of Temptation & Kabelkarretjie – Israel museum – Yad Vashem Ons pak ons tasse en begin Suidwaarts na Jerusalem vertrek. Ons eerste stop vandag is by die Berg van Versoeking (Mat 4:8). Volgens die Bybel het Jesus nadat Hy gedoop is vir 40 dae en 40 nagte in die wildernis, bo op die berg van Versoeking, gevas waar hy 3 keer deur die Satan versoek is. Hier gaan ons met ‘n kabelkarretjie na bo en kry ‘n fantastiese uitsig oor Jericho, die Judea Woestyn en die Dooie See. Nou gaan ons na Jerusalem, die stad van alle stede. Met aankoms kry ons ‘n algemene oorsig van Jerusalem en begin by die Israel Museum met ‘n skaalmodel van die stad in die 2de Tempel periode en besoek ook die “Shrine of the Book”, waar die Dooie See perkamentrolle uitgestal word, kan besoek. Ons beweeg vandag ‘n bietjie nader aan die hart van die Joodse volk – God se volk. Ons sluit die dag by die Yad Vashem Holocaust gedenksentrum af, die grootste van sy soort ter wêreld af. Ons wil graag bietjie tyd hier spandeer …..en onthou. Aandete en oornag in Jerusalem.
Wo 27-06	Olyfberg – Paternoster – Getsémané – Leeu Poort – Via Dolorosa – Bethesda – Heilige graf – Tuingraf Trek weer vandag jou stapskoene aan! Ons dag begin bo op die Olyfberg. Ons besoek die besondere Paternoster kerk met die Onse Vader ge-mosaiek in alle tale ter wêreld. Van hier ook ‘n asemrowende uitsig oor Jerusalem. Ons stap dan af na die tuin van Getsémané met olyfbome van meer as 2000 jr. oud. Ons vertoef ‘n ruk in ‘n privaat deel van die tuin en word stil om te onthou hoe Jesus eens Sy dissipels gevra het om saam met Hom te bid in Sy nag van doodsangs. Nou gaan ons die ou stad deur die Leeu Poort (Skaapspoort)(Hand 7:28) binne. Dit is ook hier waar Stephanus ‘n marteldood gesterf het. Ons besoek Bethesda en sien die Ecce Homo boog. Dan stap ons al langs die Via Dolorosa en verskillende lydingstasies tot by die heilige graf (Holy Sepulcre kerk). Na middagete stap ons deur die Moslem mark en eindig die dag met ‘n hoogtepunt van ons toer – ‘n besoek aan die Tuingraf. Hier sal ons nagmaal saam gebruik en verseker in die voetspore van Engele en 'n opgestane Heer stap! Oornag Jerusalem.
Do 28-06	Stad van Dawid en ondergrondse tonnels – Hizkia se tonnel – Davidson Sentrum en Suidelike Tempeltrappe – Stap op die ou stadsmure – Bar Mitzvah fieringe As jy een van die avontuurlustiges op die toer is moet jy vandag klere aantrek wat maklik kan droog word want Hizkia se tonnel (2 Kon 20) wag vir jou! 'n Besoek aan die ‘stad van Dawid’ neem jou 3000 terug na die tyd toe Koning Dawid Jerusalem as sy koninkryk se hoofstad oorgeneem het. Ons stap deur dieselfde tonnels waardeur hy eens hierdie stad verken het. Hierdie argeologiese gebied is eers die laaste 10 jaar vir toeriste beskikbaar en die Siloambad (Joh 9:5-6) waar Jesus die blinde man genees het, is so onlangs soos 2009 eers ontdek! As argeologie en geskiedenis jou laat tick gaan jy vandag in jou element wees! Ons ekskursie eindig in die area van die Suidelike Tempeltrappe (Enigste toegang tot die Tweede tempel in Jesus se tyd) Hierdie beloof om ‘n absolute hoogtepunt van ons toer te wees. Hierna beweeg ons deur die Mispoort na die Klaagmuur (Luk 2:46-49). Donderdae word Bar Bitzvah vieringe hier gevier waartydens 13 jarige seuns vir die eerste keer uit die Torah lees. Dans en vier fees saam met die Jode hier by die enigste oorblywende deel van die Tweede Tempel en heiligste plek vir moderne Jode. Na bietjie vrye tyd en middagete in die ou stad beweeg ons na die Citadel om ‘n opwindende stappie bo-op die ou stadsmure te geniet. Aandete en oornag Jerusalem.
Vr 29-06	Betlehem – Qumran – Dooie See Ons groet Jerusalem en vertrek na die Dooie See. Ons eerste besoek is Betlehem (teenaan Jerusalem) waar ons die Herdersvelde asook Geboortekerk gaan besoek. Daarna beweeg ons Suidwaarts na die laagste gebied op aarde - die Dooie See. Oppad besoek ons Qumran waar die Dooie See perkamentrolle deur ‘n Bedoeïen veewagter sowat 100 jaar gelede ontdek is. Ons bereik ons hotel vroeg middag om die res van die middag net te gaan ontspan. Gaan vir 'n swem (of eerder dryf) in die Dooie See of gaan vir 'n modderbad, Cleopatra se geheim tot skoonheid. Hierdie unieke dryf op die Dooie See sal vir altyd een van jou opwindendste ervarings wees! Ons kruip vroeg-vroeg in want more oggend gaan ons Masada per voet aandurf! Oornag Dooie See.
Sa 30-06	Masada – Ein Gedi Oase – Judea woestyn – Bedouin camp – Kameelsafari Vroegoggend vertrek ons na Masada. Ons hotel pak vir ons kospakkies in en ons gaan ontbyt bo-op Massada geniet! Vir dié wat nie vir die klim kans sien nie is daar ‘n opsie om per kabelkar na bo te gaan. Die stap / klim neem sowat ‘n uur tot bo. Hier, bo-op Masada het Herodus sy winter paleis gebou. Kry 'n kykie in Herodus se weelde en vrese, maar besef ook sidderend hoe sowat 1000 Joodse vlugtelinge hierdie berg beset het na die vernietiging van Jerusalem in 70 n.C. Hulle verhaal bly vandag steeds een van die mees aangrypende gebeure in die geskiedenis van die Jode. Nou gaan ons dieper in die woestyn in en gaan verken die woestyn-wonder: Ein Gedi Oase (Psalm 23). Ons volg Koning Dawid se spore waar hy vir Saul en ook later vir sy eie seun Absolom in spelonke (steeds vandag te sien) weggekruip het. Hier het hy menige van sy Psalms geskryf. Woorde soos “na waters waar rus is...” begin betekenis kry. Hierdie oase is steeds in volle gang en ‘n lushof in die barre woestyn. Ons sluit die dag af op die oewer van die Jordaanrivierby die oorspronklike plek waar Jesus volgens oorlewering gedoop is. Hier het duisende Christene reeds vir Jesus deur die doopwater gevolg. Hier is ‘n opsionele geleentheid vir toerlede wat graag gedoop sou wou word. Ons eindig ons dag met ‘n Kameel-woestynsafari en kuier dan tot laatnag rondom die vure en koffiepotte van ‘n bedouin kamp in die woestyn waar on ook gaan oornag. Aand ete en oornag in Benouienkamp.
So 01-07	Eilat – Rooi See snorkel – Jordanië – Wadi Rum Jeep Safari Ons vertrek vroegoggend na Eilatom in die Rooi See / Golf van Eilat te gaan swem en snorkel. Hierdie Marina-lushof is ‘n ekologies bewaarde gebied en wemel met seelewe so maak seker jou ‘go-pro’ is vol gelaai! Na middagete gaan ons oor die grens na Jordanië. Ons sluit die dag met ‘n Jeep-safari in die Wadi Rum woestyn af. Hierdie briljante landskap was al die agtergrond vir films soos ‘The Marcian’ en ‘Lawrence of Arabia’. Aandete en Oornag Petra.
Ma 02-07	Antieke stad Petra Vandag beloof om een van die hoogtepunte van al jou reis belewenisse te wees! Ons besoek die manjifieke antieke stad Petra (Obadja) – een van die 7 wonders van die antieke tye. Ons gaan vandag baie stap so trek gemaklike stapklere aan en onthou jou serp, sonskerm en hoed! Die eerste deel tot by die Siq is in direkte son (Sowat 20 min stap) waarna ons deur die Siq, ‘n asemrowende, geplaveide kloof (sowat 1,2 km) stap. Wanneer ons die ‘Treasury’ aan die begin van die stad bereik sal ons gids ‘n paar opsies om te gaan verken vir jou deurgee. Onthou – een van die heel beste kameelritte ter wêreld sal jy in Petra kry. Begin by die Romeinse Forum en neem ‘n kameel terug tot by die ‘Treasury’. Koste sowat USD 15 en hoog aan te beveel! Neem jou tyd en verken hierdie antieke en fabelagtige stad soos Indiana Jones destyds! Vele van die tonele uit Indiana Jones and the Last Crusades is hier geskiet. En verbeel jou net die opwinding toe die Switserse ontdekkingsreisiger Johann Burkhardt in 1812 homself as Arabiese Sheik vermom het en hierdie antieke stad – wat niemand geglo het bestaan - ontdek het! Ons verlaat Petra rondom 14:00 met die ‘Kings Highway’ na Amman. Aandete en oornag Amman.
Di 03-07	Madaba – Berg Nebo Ons laaste dag het aangebreek. Ons begin by die dorpie Madaba en geniet bietjie vrye tyd vir laaste minuut inkopies en ‘n besoek aan ‘n mosaïek werkswinkel om te sien hoe gestremde vroue hierdie wêreldbekende kunswerke van Jordanië bemeester – ‘n eeueoue praktyk waar slegs natuurlike klip gebruik word. Ons sluit ons toer bo op Berg Nebo (Deur 34) af vanwaar God vir Moses die Beloofde Land gewys het. Hier het Moses ook gesterf en volgens die Skrif het God hom self hier begrawe. Voorwaar ‘n hoogtepunt om ons toer mee af te sluit! Ons gaan na middagete oor die grens by die Allenby bridge terug in Israel en reis dadelik na Ben Gurion lughawe vir ons terugvlug na SA. Aandete en oornag aanboord vlug.

Journey 2018

Hoogtepunte (Bo en behalwe die normale Israeltoer besoekplekke)

Jeugtoer na Israel: 22 Junie - 3 Julie 2018

Ontmoet André - die Toerleier

Om al hierdie in André se eie woorde op te som:

Basiese Toer Inligting

Toerprys Sluit In

Toerpryse Sluit Uit

CONTACT DETAILS

FOLLOW US

QUICK LINKS

SUBSCRIBE TO OUR NEWSLETTER